Cancel PAN and Aadhaar Card: ભારતના દરેક નાગરિક માટે આધાર કાર્ડ અને પેન કાર્ડ મહત્વપૂર્ણ દસ્તાવેજો છે. પરંતુ જયારે કોઈ વ્યક્તિનું અવસાન થાય છે, ત્યારે આ દસ્તાવેજો હજી પણ જીવંત ગણાતા રહે છે – જેનાથી તેનો દુરુપયોગ થવાની શક્યતા વધી શકે છે. ગુનાખોરી અથવા નાણાંકીય છેતરપિંડી જેવી ઘટનાઓ ટાળી શકાય, જો સમયસર આધાર અને પેન રદ કરવામાં આવે. આવો જાણીએ કેવી રીતે આ બંને દસ્તાવેજો રદ કરી શકાય છે.
મૃત્યુ પામેલા વ્યક્તિનું પેન કાર્ડ કેવી રીતે રદ કરવું?
ઓફલાઇન પદ્ધતિ:
- એક અરજીફોર્મ તૈયાર કરો જેમાં નીચેની માહિતી હોય:
- મૃત્યુ પામેલા વ્યક્તિનું નામ
- મૃત્યુની તારીખ
- પેન રદ કરવાનો કારણ
- અરજદાર (જેમ કે પુત્ર અથવા પત્ની) ની વિગત
- મૃત્યુ પ્રમાણપત્ર જેવી જરૂરી દસ્તાવેજો સાથે અરજી જોડો.
- આવકવેરા વિભાગના Assessing Officer (AO) પાસે અરજી જમા કરો. AOની માહિતી ઇ-ફાઇલિંગ પોર્ટલ પરથી મળી શકે છે.
ઓનલાઈન પદ્ધતિ:
- NSDL પોર્ટલ પર જઈને Form 49A (PAN Correction) ભરો.
- PAN રદ કરવાની વિનંતી કરો.
- જરૂરી દસ્તાવેજો સાથે નજીકના NSDL PAN સર્વિસ સેન્ટર પર જમા કરો.
મૃત્યુ પામેલા વ્યક્તિનું આધાર કાર્ડ કેવી રીતે રદ કરવું?
હાલમાં આધાર કાર્ડને સંપૂર્ણપણે રદ કરવાનો કોઈ સત્તાવાર વિકલ્પ નથી. પરંતુ તમે વ્યક્તિના બાયોમેટ્રિક ડેટા (આંગળીઓના નિશાન, આંખોનું સ્કેન) ને લૉક કરી શકો છો જેથી તેનો દુરુપયોગ ન થાય.
SMS દ્વારા લૉક કરવાની રીત:
- મૃત્યુ પામેલા વ્યક્તિના રજિસ્ટર્ડ મોબાઇલ નંબર પરથી SMS મોકલો:
GETOTP <આધારના છેલ્લાં 4 અંક>
મોકલવાનું નંબર: 1947 - પ્રાપ્ત થયેલા OTP બાદ બીજું SMS મોકલો:
LOCKUID <આધારના છેલ્લાં 4 અંક> <6 અંકનો OTP>
વેબસાઈટ દ્વારા લૉક કરવાની રીત:
- UIDAIની ઓફિશિયલ વેબસાઈટ uidai.gov.in પર જાઓ.
- “My Aadhaar” વિભાગમાં “Lock/Unlock Biometrics” પસંદ કરો.
- આધાર નંબર અને OTP નાખીને લૉક કરો.
મહત્વપૂર્ણ સૂચનાઓ
- મૃત્યુ પામેલા વ્યક્તિના દસ્તાવેજોનો દુરુપયોગ ન થાય તે માટે તેમની જવાબદારીપૂર્વક સંભાળ રાખવી જરૂરી છે.
- આધાર અને પેન બંને રદ કરવામાં આવે તો લોન, બેંક એકાઉન્ટ ખોલવા જેવી છેતરપિંડી અટકાવી શકાય છે.
Read more-